MAA

yaad hai jab har choti baat pe dil rooth jaya karta tha,
teri god me sir rakh ke me muskuraya jo karta tha,
kya hota hai gham ka saaya ye to mene dekha bhi na tha,
apne hi ashiyane me dil khoya mera rehta tha…

Kabhi lad kar tere paas aau, tu daant kar dudh pilaya krti thi,
na ladne ke liye alag alag misaale tum diya karti thi,
padhai na krne ke jab bahaane alag alag lagaata tha,
tujhse pitne par bhi woi sab me firse dhauraata tha…

Har dam khelta muskuraata, tujhe bhi to hasaata tha,
tere saaye ke neeche salaamat khud ko paata tha,
apni favourite dish ke liye tujhse rooth kar jhat se tujhe manaata tha,
“MAA” teri parchaai me bas ek sukoon sa hi paata tha…

Zindagi ne bohut baar jhukaaya hai,
kai baar khudko akela mene bhi paaya hai,
Aaj bhi bas tere ek deedar se khush ho jata hu,
toot jau jitna bhi, tujh se hi to himmat le ke,
fir se shuru kar jaata hu…

Hai tamanna umar bhar tere saath rehne ki,
bachpan ki wo saare baate yaad kar ke firse unhe jeene ki,
tu hamesha apna saaya mujhpar banaye rakhna,
bhagwaan hai agar kahi to mere bhagwaan ko hamesha mere paas hi rakhna……