Galat ho tum…

haan agar ye soch ke uske sath ho,
ki use tumse pyaar ho jayega,
to galat ho tum …

maana pareshaan hai wo,
tumse har dukh saajha kar rahi hai,
ess baat ko pyaar samajh rahe ho,
to galat ho tum …

haan tum samajhte hoge use,
kandha bante honge uske har ek aansu ka,
ess baat ko pyaar samajh rahe ho,
to galat ho tum …

har raat beshak ek dusre ki aawaz sun ke
tumhari neende puri hoti ho,
subh uthte hi usko cute sa message krte ho,
or ess baat ko pyaar samajh rahe ho,
to galat ho tum…

haan pakadti hogi tumhara haath kabhi,
jealous feel karti hogi tumhara kisi or se baat krne pe,
es cute se gesture ko tum pyaar samajh rahe ho,
tohhh mere bhai galat ho tum…

agar kabhi himmat juta ke keh sako,
ki mohabbat hai tumhe usse,
uske rejection pe tum sath chhod doge uska,
bhul jaoge wo saari jo care tum kia krte the,
band kar doge wo kandha aage badhaaana,
jo kabhi uske aansuon ka theekana tha,
toh beshaak galat ho tum….

kyuki usne kabhi tumhare beech
badhti nazdeeki ko mohabbat ka naam nahi diya,
nahi kia usne koi wada tumse pyaar karne ka.
agar uske mna karne par usse galat keh rhe ho usse,
ro rahe ho usse kisi or ke kareeb aata hua dekh,
haan to galat ho tum…

or galat tha tumhara pyaar…
galat thi wo expectations jo tumne khud se jagaai thi,
kyuki agar tumhe mohabbat hoti to haasil karne ka nahi
uski khushi ka sochte tum…